ឈ្មួញឈើឈ្មោះ តាពឿនដឹកឈើ ចំនួន ៦ឡានសមត្ថកិច្ចមិនហ៊ានបង្ក្រាប
29-June-2016 | ដោយ មែន កំសត់
ខេត្តកំពង់ធំ៖តាមសេចក្ដីរាយការណ៍ ជាក់លាក់មួយ បានឲ្យដឹងថា កាលពីយប់មិញ ឈ្មួញឈើឈ្មោះ តាពឿន ដែលអ្នកស្រុកបារាយណ៍ និងឃុំកំពង់ថ្ម ស្គាល់ថា ជាក្មួយប្រសារ ឯកឧត្តមងួន ញ៉ិល បានដឹកឈើ ចំនួន ៦ឡានចេញ ពីតំបន់ព្រៃឡង់ យកទៅចែកចាយ លក់នៅ ស្រុកបារាយណ៍ ដោយគ្មាន សមត្ថកិច្ច ណាហ៊ាន ចេញមុខ បង្ក្រាបនោះ ។
ករណីឈ្មួញឈ្មោះ តាពឿន ដឹកឈើ ដោយរថយន្ត កូរ៉េនិងយ៉ីឌុប ចេញពី ទឹកដី ស្រុកសណ្ដាន់ ខេត្តកំពង់ធំ នេះ ត្រូវបានគេអះអាងថា មិនមែនជា ជាលើកទី១នោះទេ ពោលគឺឈ្មោះពឿន ជាឈ្មួញឈើ ដ៍ធំ ប្រចាំនៅ តំបន់នោះ ហើយជាឈ្មួញរកស៊ីឈើ ជាយូណាស់មកហើយ។
បើតាម សេចក្ដីរាយការណ៍ បានឲ្យដឹងថា តាម៉ិល ពឿន ចំនួន៦គ្រឿង នៅតែមាន លទ្ធភាពដឹក ជញ្ជូនឈើ ចេញពីតំបន់ ព្រៃឡង់ចូល មកកំពង់ថ្ម បានយ៉ាងរលូន ដោយ មិនមាន រំខានពី សមត្ថកិច្ចនោះឡើយ ។
ការដឹក ជញ្ជូនឈើ របស់ក្រុមតាពឿន ត្រូវ គេសង្ស័យថា គ្មានច្បាប់ អនុញ្ញាតចេញ ពីរដ្ឋបាល ព្រៃឈើនោះទេ ។ រីឯការធ្វើសកម្មភាព បានបែបនេះគេ បានដាក់ការសង្ស័យថា មានការបើក ដៃពីមន្ត្រី គ្រប់គ្រងដែនដីនោះ ។
សេចក្តីរាយការណ៍ បន្តទៀតថា ប្រសិនបើតាពឿន មានច្បាប់ដឹក ជញ្ជូនឈើ យ៉ាងណាក្តី ប៉ុន្តែតាពឿន គ្មានព្រៃដើម្បី កាប់ឈើធ្វើ ជំនួញនោះទេ ។
រាជរដ្ឋាភិបាល មានសម្តេចតេជោសែន ជាប្រមុខដឹកនាំនោះ សម្តេចបានដាក់ ចេញនូវវិធានការជា បន្តបន្ទាប់ ក្នុងការហាម មិនឱ្យមានការកាប់ ឈើនៅក្នុង ដែនព្រៃអភិ រក្សដែលសំបូរ បែបទៅដោយ ជីវចម្រុះនោះឡើយ។
ទាក់ទង ទៅនិងព័ត៌មានថា ឈ្មោះតាពឿន ជាឈ្មួញឈើ ថាជាក្មួយប្រសារ របស់ឯកឧត្តមងួន ញ៉ិល នោះគេនៅមិនទាន់ ជឿជាក់ថា ជាក្មួយប្រសារ ពិតប្រាកដ ឬយ៉ាងណានោះទេ ព្រោះគេអាច វាយតម្លៃបានថា បើសិនជាឈ្មោះពឿន ជាក្មួយមែននោះ រូបគេមិនអាច រកស៊ីឈើ ដោយខុសច្បាប់ ផ្គើនទៅនិង បទបញ្ជារបស់ សម្ដេចតេជោហ៊ុន សែននាយករដ្ឋ មន្ត្រី និងធ្វើឲ្យ អាប់អោន កិត្តិយស របស់ឯកឧត្តមងួន ញ៉ិល ផងដែរ ។
គេហទំព័រ សៀមរាបប៉ុស្ដិ៍ នៅមិនទាន់ បានទទួលការ បំភ្លឺពី ឯកឧត្តមងួន ញ៉ិល នៅឡើយទេ ដោយមិនមាន លេខទូរស័ព្ទ៕
ចំនួនអ្នកទស្សនា
- ថ្ងៃនេះ4041
- ម្សិលមិញ4911
- សប្តាហ៍នេះ21611
- ខែនេះ4041
- ឆ្នាំនេះ247281
- សរុប20689737